Sorteamos 3 cestas de Nadal 100% Porco Celta!

Un ano máis, por Nadal queremos levar o Porco Celta ao maior número de casas posible, polo que poñemos en marcha un sorteo no que son os nenos, a través dos seus debuxos, os que se poden facer cunha das nosas tres cestas, as cales están equipadas con lotes de produtos e materiais didácticos sobre o Porco Celta.

COMO PARTICIPAR

Descárgate unha (ou varias!) das nosas plantillas do Cesarín de Nadal e dálla aos teus cativos para que a pinten (a man ou en dixital) como máis lles guste.

Envíanos a creación final antes do luns 19 de decembro ás 14:30 horas como prefiras (mediante mensaxe directo ou deixando un comentario no noso Facebook, vía correo electrónico, etiquetándonos nunha publicación…), identificando o nome e a idade do autor ou autora e o nome e o teléfono do adulto responsable para poder contactar no caso de que o debuxo resultase gañador.

Unha vez recibido o debuxo, subirémolo a un álbum de fotos que creamos na nosa páxina de Facebook para que todo o mundo poida ver o talento de todos os participantes.

O martes 20 realizaremos o sorteo a través da web AppSorteos, anunciaremos o nome dos tres gañadores e poñerémonos en contacto con eles para poder facerlles chegar as cestas o antes posible.

DESCARGA AS LÁMINAS PARA PARTICIPAR!

(Pica sobre as imaxes para descargar as láminas en alta resolución)

PRAZOS

  • A recepción de debuxos está aberta dende xa mesmo e ata o luns 19 de decembro ás 14:30 horas. Non se aceptarán debuxos que cheguen fóra da data e a hora establecidas.
  • Durante a mañá do martes 20 de decembro levarase a cabo o sorteo. Serán seleccionados 3 gañadores e 6 suplentes.
  • Os gañadores daranse a coñecer ao longo do martes 20 de decembro.

ESPECIFICACIÓNS

  • Cada neno (ata 11 anos) pode elaborar un máximo de tres debuxos distintos para participar.
  • Non se aceptarán debuxos que xa foran presentados para concursar en edicións anteriores.
  • Os gañadores terán un prazo de sete días para aceptar o premio. De non producirse resposta, a cesta será asignada ao primeiro suplente, e así sucesivamente.
  • Cada neno pode gañar un só premio. No caso de que no sorteo saia máis dun debuxo do mesmo participante, o segundo premio será adxudicado de xeito automático á seguinte persoa que saia como suplente na aplicación.
  • A organización do sorteo resérvase o dereito a cambiar a dinámica do mesmo en calquera momento no caso de que o considere oportuno.

AS CESTAS

As cestas que sorteamos veñen equipadas con produtos de Porco Celta facilitados polos nosos operadores e con materiais didácticos para dar a coñecer esta raza entre os máis pequenos. Colaboraron na composición das cestas os seguintes operadores:

  • Jamones González S.L.U.
  • Cárnicas Teijeiro S.L.
  •  Comercial Macario S.A.
  • Embutidos Hermelino
  •  Productos Cárnicos Domínguez S.L.
  • Coop. Galega Tres Fuciños
  •  Casa Castelao S.L.
  •  Embutidos Hervella
  •  Embutidos Buenavista
  • CienPorCel