O concello de Cervo (Lugo) celebrará, o vindeiro 20 de maio, a Festa das Flores "Fillas de María". A partir das 10 da maña haberá mercado tradicional no que destacarán os produtos de Porco Celta, que ofrecerá un operador autorizado para o uso do logotipo 100% Raza Autóctona Porco Celta.

A Asociación de Celiacos de Galicia (ACEGA) celebra este 14 de maio a II Feira gastronómica de Galicia sen glute. Terá lugar no Hotel OCA Porta do Camiño, en Santiago de Compostela, de 11.30 a 18 horas. Participará un operador autorizado para o uso do logotipo 100% Raza Autóctona Porco Celta.

O domingo 14 de maio disputarase a quinta edición do Medio maratón cidade de Lugo, proba consolidada no calendario de carreiras populares. Haberá degustación de produtos derivados do Porco Celta xunto con material publicitario nunha caseta habilitada ao efecto.

A localidade de Friol (Lugo), celebrará a V Edición do Friulio Castrexo - Romano. Durante os días 13 e 14 recrearase o modo de vida e as batallas dos dous pobos. Haberá exposición de animais vivos da raza Porco Celta de varias explotacións da zona, o domingo, día 14, haberá unha degustación gastronómica de Porco Celta ao espeto.

O Concello de Cervo celebrará este próximo sábado, 6 de maio, á VII Foliada e á Feira de Artesanía e Alimentación que terá lugar na Praza do Souto. Un operador autorizado para o uso do logotipo 100% Raza autóctona Porco Celta ofrecerá os seus produtos aos asistentes.