FESTA DO PORCO CELTA DE FRIOL

Friol retoma o vindeiro día 15 a Festa do Porco Celta, que celebra a súa quinta edición. A cita, que se desenvolverá no pavillón municipal da localidade a partir das 4 da tarde, inclúe un torneo de tute, cea a base de produtos de Porco Celta e música. O menú deste ano é cocido e caldo de ósos e a maiores como novidade haberá filloas á pedra por parte dun grupo de filloeiras de Muimenta.