Síguenos en:
imaxe/2025/02/20/sorteos_asoporcel_galiciaCalidade_2025_web.jpg
XANTARES SABOROSOS

Sorteamos comidas en establecementos asociados a Galicia Calidade

   20 de febreiro de 2025

Dende febreiro ata xuño, traémosche un plan ben saboroso! En colaboración con Galicia Calidade, sorteamos dous xantares ou ceas ao mes para dúas persoas en establecementos que apostan polos produtos derivados do Porco Celta e están asociados a Galicia Calidade. Séguenos nas nosas páxinas de Instagram e Facebook para non perder detalle do anuncio de cada un dos sorteos.

BASES DO SORTEO "XANTARES SABOROSOS" - ASOPORCEL E GALICIA CALIDADE

1. Organizador dos Sorteos: Os sorteos están organizado pola Asociación de Criadores da Raza Porcina Celta (Asoporcel), en colaboración con Galicia Calidade.

2. Período de Participación:

Primeiro sorteo: do 21 de febreiro ao 9 se marzo. Anuncio dos gañadores: luns 10 de marzo.

Segundo sorteo: do 21 de marzo ao 6 de abril. Anuncio dos gañadores: luns 7 de abril.

Terceiro sorteo: do 25 de abril ao 11 de maio. Anuncio dos gañadores: luns 12 de maio.

Cuarto sorteo: do 30 de maio ao 15 de xuño. Anuncio dos gañadores: luns 16 de xuño.

3. Requisitos de Participación: Para participar, os usuarios deberán:

  • Seguir nas súas contas a Asoporcel e a Galicia Calidade en Instagram (@porcoceltaasoporcel e @galiciacalidade) e/ou en Facebook (@asoporcel.porcocelta e @GaliciaCalidade).
  • Comentar no post do sorteo en Instagram e/ou Facebook, mencionando á persoa coa que queren compartir o xantar ou cea.

4. Premios: Por cada sorteo, haberá un gañador en cada rede social. O premio será un xantar ou cea para dúas persoas. Consistirá nunha degustación de elaboracións feitas con derivados do Porco Celta en calquera establecemento hosteleiro asociado a Galicia Calidade (https://www.galiciacalidade.gal/empresas-asociadas).

5. Selección dos Gañadores:

  • O gañador de cada rede será seleccionado mediante un sorteo aleatorio entre todas as persoas que cumpran cos requisitos mencionados.
  • O anuncio dos gañadores farase o día fixado (ver punto 2) e os gañadores serán publicados nas redes sociais de Asoporcel e Galicia Calidade.

6. Condicións para os Gañadores:

  • O gañador deberá estar disposto a facilitar os seus datos para a correcta entrega do premio.
  • Se o gañador non responde ao aviso nun prazo de 72 horas, o premio poderá ser concedido a outra persoa elixida ao azar.
  • O gañador terá un prazo de 3 meses para facer uso do seu premio.

7. Reserva de Dereitos: Asoporcel resérvase o dereito de modificar ou cancelar este sorteo en calquera momento, por causas alleas á organización ou de forza maior, ou se se detecta unha fraude ou manipulación no proceso de participación.

8. Limitacións: Este sorteo está aberto a todas as persoas maiores de idade residentes en España. Non poderá participar o persoal vinculado directamente á organización do sorteo nin os seus familiares directos.

9. Aceptación das Bases: A participación neste sorteo implica a aceptación total e incondicional das presentes bases. Así mesmo, os participantes autorizan a Asoporcel e Galicia Calidade a utilizar os seus nomes nas publicacións de gañadores e nas redes sociais relacionadas co sorteo.

10. Protección de Datos: Os datos persoais recollidos durante o sorteo serán tratados conforme á normativa de protección de datos vixente. Estes serán empregados exclusivamente para a realización do sorteo e a comunicación cos gañadores.

Tags :
Voltar